حکومت پاکستان نے نوجوانوں کو ڈیجیٹل دور میں بااختیار بنانے اور روزگار کے مواقع فراہم کرنے کے لیے وزیراعظم لیپ ٹاپ لون سکیم کا آغاز کیا ہے۔ اس اسکیم کا مقصد طلباء، فری لانسرز، اور چھوٹے کاروباری افراد کو آسان شرائط پر لیپ ٹاپ فراہم کرنا ہے تاکہ وہ اپنی تعلیمی، پیشہ ورانہ اور کاروباری ضروریات کو بہتر انداز میں پورا کر سکیں۔
وزیراعظم لیپ ٹاپ لون سکیم کی خصوصیات
اس اسکیم کے تحت تین کیٹیگریز میں لیپ ٹاپ فراہم کیے جا رہے ہیں:
بیسک لیپ ٹاپ: قیمت 1,50,000 روپے تک
میڈیم لیپ ٹاپ: قیمت 3,00,000 روپے تک
ایڈوانس لیپ ٹاپ: قیمت 4,50,000 روپے تک
درخواست دہندگان اپنی ضروریات کے مطابق مطلوبہ کیٹیگری کا انتخاب کر سکتے ہیں۔
کون درخواست دے سکتا ہے؟
یونیورسٹی کے طلباء و طالبات
فری لانسرز (Fiverr، Upwork، LinkedIn وغیرہ پر کام کرنے والے)
چھوٹے پیمانے پر کاروبار کرنے والے افراد
وہ افراد جنہیں تعلیم یا کاروبار کے لیے لیپ ٹاپ کی ضرورت ہے
درخواست کے لیے درکار معلومات:
درخواست گزار کو فارم میں ذیل معلومات فراہم کرنی ہوں گی:
شناختی کارڈ نمبر اور اس کی تصاویر (سامنے اور پیچھے)
ذاتی معلومات: نام، تاریخ پیدائش، والد/سرپرست کا نام، موبائل نمبر وغیرہ
موجودہ اور مستقل پتہ
تعلیمی معلومات: یونیورسٹی، ڈگری، سال، تعلیمی اسناد
اگر کوئی فری لانسنگ یا کاروبار کر رہا ہے تو اس کی مکمل تفصیل
بینک کی معلومات اور مالیاتی صورتحال
لیپ ٹاپ کی منتخب کیٹیگری اور مطلوبہ قرض کی رقم
خصوصی سہولت:
فارم میں یہ بھی پوچھا گیا ہے کہ اگر کسی اور مالی ادارے یا بینک سے قرض لیا گیا ہو تو اس کی تفصیل فراہم کی جائے۔ اس سے اسکیم کی شفافیت اور اعتماد کو مزید تقویت ملتی ہے۔
مقصد:
یہ اسکیم نہ صرف نوجوانوں کو تعلیمی اور پیشہ ورانہ میدان میں آگے بڑھنے کا موقع دے رہی ہے بلکہ انہیں ڈیجیٹل پاکستان کے خواب میں عملی طور پر شریک بنا رہی ہے۔
وزیراعظم لیپ ٹاپ لون سکیم آن لائن اپلائی کرنے کا مکمل طریقہ
وزیراعظم لیپ ٹاپ لون سکیم ایک انقلابی قدم ہے جو تعلیم، فری لانسنگ، اور ڈیجیٹل کاروبار کو فروغ دے کر نوجوانوں کو خود کفیل بنانے کی جانب ایک روشن راہ ہے۔ اگر آپ بھی اس اسکیم سے فائدہ اٹھانا چاہتے ہیں تو ابھی فارم مکمل کریں اور ترقی کے سفر کا آغاز کریں!
